Piştî ku amadekariyên ji bo pêkanîna hilbijartinan hatin rawestandin, serokwezîrê Iraqê Nûrî Malikî beyannmeyek belav kir û tê de vetokirina yasayê ji aliyê cîgirê serokkomar ve rexne kir.

Di beyannameyê de Malikî da zanîn ku vetokirina yasayê tehdît e bo ser prosesa siyasî û demokrasiyê ya Iraqê. Her wiha daxwaz ji nûnerên parlamentoyê kir li ser tekîdkirina dema hilbijartinan civînekê li dar bixin.

Di heman beyannameyê de Malikî daxwaz ji komîsyona bilind ya serbixwe ya hilbijartinan kir berdewam be di amadekariyên ji bo pêkanîna hilbijartinan de.

Di heman mijarê de parlamenterê Iraqê yê ser bi Lîsteya Hevpeymaniya Kurdistanê Mûhsîn Sadun jî ragihan, vetokirina yasaya hilbijartinan dê derfetekê bide Lîsteya Hevpeymaniya Kurdistanê, bo ku li ser rêjeya kursiyên zêdekirî yên parêzgeha gotûbêjê bike.

Sadun her wiha got: “Parlamento sibê dê mêvandariya wezîrê bazirganiyê bike bo ku li ser amara ku pêşkêş kiribû û dabeşkirina kursiyên parlametoyê li ser esasê wê amarê hatibûn destnîşankirin, bersiva pirsên parlamenteran bide.”