Li gorî nûçeya Ajansa Nûçeyan Firatê, Desmond Tutu, Leyla Zana bo hevdîtnê dawetê Afrîka Başûr kiribû û di dema hevdîtinê de got, “Di dema Apartheid (siyaseta nijadperestiya rejîma berê) de her tişt pir tarî dixwiya. Ronahî ji dûr jî nedixwiya. EM wê demê fêrbûn ku, divê ronahiyê em bixwe biafirînin. Bo ronahî em têkoşiyan û em hatin vê rojê. Li gel we jî her tişt pir tarî be jî divê hûn di anîna ronahiyê de bibiryar bin. Ez bawer dikim ku hûn bigihêjin ronahiyê.”

Tutu got, ew derbarê xebatên Zana yên aştiyê agahdar e û ji ber ku Xelata Aştiyê Shakharov giritye kêfxweş e û ji hatine Zana pir kêfxweş e.

Zana jî ji ber ku ji hêla Tutu ve hatiye dawetkirin spasiya xwe anî ziman û got, “Têkoşîna ku ji hêla Desmond Tutu û Nelson Mandela hatiye meşandin di nava gelê kurd de xwedî wate û nirxek mezin e. Ez jî pêşberî vê têkoşînê rêzdar û heyranim.”

ym AKnews