Li gor encamên lêpirsînekê, derkete meydanê ku di nava kurdên Tirkiyeyê de, herî zêde kurdên zaza xwe wek hemwelatiyê Komara Tirkiyeyê nabînin. Nivîskarê rojnameya Hürriyet’ê Ertuğrul Özkök, di nivîsa xweyî îroyîn de cîh daye encamên anketekê, ku tenê bi kurdên Tirkiyeyê re hatiye lidarxistin.

Li gor encamên anketê, ku li Kurdistanê bi 3 hezar malbatê re hatiye kirin de, ji kurdan hatiye pirsîn ‚’’Heger derfeta we hebûna, we dixwest li kudera Tirkiyeyê bijiya?’’ Bersiva vê pirsê weha hatiye dayîn:

Ez ji vê derê memnûn im……… ji sedî 50.2
Stembol...................... ……….    .ji sedî 12.9
Îzmîr...................... ……………    ji sedî 4.8
Antalya.................. …………… ji sedî 4.8
Enqere....................... …………  ji sedî 4.0

Di anketa ku ji aliyê Navenda Lêkolînên Stratejîk ya Ûnîversîteya Bahçeşehir’ê ve, bi navê ‘’Lêkolîna sosyo-ekonomîk ya herêmên Rojhilat û Rojhilatabaşûr’’ hatî kirin de, Kurdan weha bersiv dane pirsa, ‘’Hûn xwe wek hemwelatiyên Komara Tirkiyeyê dibînin an na?’’

Ji kurdan sedî 78.9’ê wan, xwe wek hemwelatiyê Komara Tirkiyeyê dîtine. Di anketê de encameke balkêş jî ewe ku, ev nîsbet li cem kurdên zaza heta ji sedî 60 daketiye.