Ji leşkeran tê xwestin ku, pirtûka ’Dersim 1937’ bê xwendin. Di klasora bi navê `Isparta' de, bi navê 'Analîza Dersim 1937' û 'Dersim 1937’ du dosya cîh digrin. Li gor qenaeta kesê ku analîza pirtûkê kirî, weha tê gotin: “Pirtûk, nîşanî me dike ku, hêzên emperyalîst çawa axa û seyid bikaranîne, bi pêşkêşiya wan çawa kurdên elewî û feqîr derxistine hemberî me, grêdana dewleta netewî qels kirine, cudahiyên etnîkî kirine sedemê pevçûnan, li welatê me potansiyelek qrîzê derxistine meydanê û xwestine van polîtîqayan bimeşînin.“

Herweha tê gotin ku, ji bo yekîtî û hevgirtina miletê tirk, têkoşîna li hember van hêzan xwedî grîngiyeke mezin e. Xwendina vê pirtûkê, di serî de bo personelên qadroyên Bilgi Destek û hemû personelên TSK’yê, wê sûdmend be. Herweha, divê li pirtûkxaneyan jî cîh bigre. Di nav ’notên agahiyê’ de, yek ji wan, bi van gotinan dawî lê tê: “Dawiya wan veqetînxwazên ku serî li Komara Tirkiyê rabikin, cezayê îdamê ye“

çavkanî : Rizgari