Albûma Mehmet Atli di warê muzîkalî de gelek li pêş e û kûr e. Stîl û form û dengên cewaz û cihêreng hatine bikaranîn. Stîla rojavahî yê bi qelîte û pêşketî ser bingeha formên mûzîka Kurdî hatiye saz kirin.Mehmet Atlı piştî albuma bi navê ‘Jahr’ ji ber pirsgirêkên çap kirina albûmê gelekî navber dabû weşnadina berhemên xwe. Mehmet Atli bi wan ceribandinên xwe yên nû ên di nava "Wenda" de pencereyeke nû bo mûzîka Kurdî vedike.

Aranjoriya albuma ku ji 12 stranan pêk tê û ji aliyê Murat Ozturk, Serdar Keskîn û Mehmet Atli ve hatiye kirin Helbest û muzîkên stranan bi giranî yên Mehmet Atli ne û her wiha helbestên kesên wek Cegerxwîn, Evdila Peşêw û Arjen Arî jî hene.

Her wiha stranên Lo lo pismamo û Ay lê gulê ku guhdarên muzîka Kurdî baş nas dikin bi dengê aram a Mehmet Atli ku hestên mirov pêl dike car din hatine şîrovekirin û xuya ye dê giyanên me rapêçin.

Wenda,Name,Li Geliyekî,Qefes,Gelawêj û Tu Havîn î, stranên ku giyana albumê tînin der in. Di albuma ku bi hestên kûr hatiye hûnandin de veqetîn,bendewarî,bêrîkirin û sirgûn li benda me ne. Albuma bi navê Wenda ya Mehmet Atli bi hêviya ku rengên nû tevî evîn û azadiyê bike li benda me ye. 
cawkani :hawar